Bílalán / Bílasamningar. Látið í ykkur heyra.

Maður heyrir hreint ótrúlegar sögur af framgöngu fjármögnunarfyrirtækjanna.

Þau taka bíla og vinnuvélar, hægri - vinstri, meta eigur fólks á nánast ekki neitt og senda svo fólki reikninginn f. mismuninum.

Vinur minn skuldaði 300 þús í bíl sem var metinn á 3-400 þús, Bíllinn var metinn hjá fjármögnunar-fyrirtækinu á 7 þús. Ekki 70 þús, 7 þús.

Annar átti Ford 350 ´2000, metinn á 1100 þús, tekinn á 300 þús.

Þriðji átti vélavagn, metinn á 1700 þús, tekinn á 350 þús.

Fjórði á Skoda Oktavia ´2005, metinn á bílasölu á 800 þús skuldin er 2500 þús. Hvað skyldi svo lánadrottinn meta Skodann á þegar þeir taka hann ?

Allir fengu reikning f. mismun á eftirstöðvum láns og mati lánadrottins. Í öllum tilfellum var skuldin miklu hærri en sölumat tækjanna var.

Af hverju er svo lítið talað um þessi mál. Fólk er í hrikalegum málum.

Látið í ykkur heyra.

Valdemar Ásgeirsson.


« Síðasta færsla | Næsta færsla »

Athugasemdir

1 Smámynd: Haraldur Haraldsson

Ef dæmin eru augljóslega röng og eiga ekki við rök að styðjast á eigandi bifreiðarinnar að höfða einkamál á hendur þeirra sem eru að reyna ræna hann.

Ekki spurning!

Gangverð bifreiða er hægt að finna inn á miðlægum gagngrunn sem heitir Bíló á fagmáli. Bifreiðaumboðin stýra í því kerfi verðmæti bílanna en endrspeglar ekki söluverð en notaðir bílar seljast nú á undirverði vegna lítillar eftirspurnar og mikils framboðs. Miðviðunarverð bíla er einnig að finna á www.bgs.is

Haraldur Haraldsson, 18.3.2009 kl. 21:10

2 Smámynd: Rauða Ljónið

Sæll. Valdemar hér eru nokkur dæmi.

ÉG hef séð svart á hvítu reikning frá bílalánafyrirtæki upp á 212.000 krónur fyrir verðmat á bíl sem var tekinn úr vörslu fólks. Þetta er í mesta lagi klukkustundar vinna, að meta eina bifreið. Þetta kallar maður óréttlæti á hæsta stigi,« segir Sveinbjörn R. Árnason hjá Bílamarkaðnum í Kópavogi.

Sveinbjörn segir það viðgangast að bílar, sem eru teknir af fólki í greiðsluerfiðleikum, séu verðmetnir niður úr öllu raunhæfu samhengi. »Síðan er smurt á viðgerðarkostnaði upp á tugi ef ekki hundruð þúsunda króna. Afföllum upp á 15% af matsverði er bætt við þar á eftir. Eftir stendur reikningur upp á milljón, sem velt er yfir á skuldarann. Þetta kalla ég bílarán en ekki bílalán.«

Matsaðilar óhæfir

Sveinbjörn segir mikið óréttlæti viðhaft við verðmat bíla. Það sé framkvæmt af fólki á launaskrá eða í einhverju samstarfi við lánafyrirtækin. Fólkið sé því hlutdrægir og óhæfir matsaðilar. Lántaki hafi ekkert um verðmatið að segja nema kallaðir séu til dómkvaddir matsmenn með tilheyrandi kostnaði.

Atli Már Ingason, bifreiðasali hjá Netsölunni.is, segir engar skýringar að fá hjá fjármögnunarfyrirtækjum á því hvers vegna sumir bílar séu seldir upp í kröfur á jafnlágu verði og raun ber vitni. Hann sjái í störfum sínum hliðstæða bíla seljast á miklu hærra verði á sama tíma.| 22

Í HNOTSKURN

· Atli Már þekkir dæmi um stúlku sem keypti bíl á 1,1 milljón með 800 þúsund kr. láni frá Lýsingu. Seinna missti hún bílinn og var hann seldur upp í kröfuna á 160 þúsund kr.

· Atli segist þekkja svipuð dæmi frá öllum bílafjármögnunarfyrirtækjunum.

Skuldin situr öll eftir þótt bíllinn sé tekinn

Eftir Önund Pál Ragnarssononundur@mbl.isBílasalar hafa undanfarna mánuði, allt frá því fyrir bankahrunið, séð það sem þeir kalla ljót dæmi um vörslusv...

Á hraðferð Margir hafa ekið ofan í skuldasúpu. Bílalánafyrirtæki gefa nánast bíla sem teknir eru af skuldurum í vanskilum, en hver græðir á því?

Bílasalar hafa undanfarna mánuði, allt frá því fyrir bankahrunið, séð það sem þeir kalla ljót dæmi um vörslusviptingar á bifreiðum. Mörgum fjármögnunarsamningum hefur verið rift síðustu mánuði, enda oft í erlendri mynt og hafa því hækkað með falli krónunnar.

Sveinbjörn R. Árnason hjá Bílamarkaðnum í Kópavogi segir að bílar séu teknir af fólki í greiðsluerfiðleikum og þeir verðmetnir niður úr öllu raunhæfu samhengi. Jafnvel allt að helming raunverðs í krónum talið. »Síðan er smurt á viðgerðarkostnaðaráætlun upp á tugi ef ekki hundruð þúsunda króna. Afföllum upp á 15% af matsverði er bætt við þar á eftir,« segir Sveinbjörn. »Eftir stendur reikningur upp á milljónir, sem velt er yfir á skuldarann. Þetta kalla ég bílarán en ekki bílalán,« bætir hann við.

Skjóta sig í fótinn

Atli Már Ingason, bifreiðasali hjá Netsölunni.is, tekur í sama streng. Hann segir engar skýringar að fá hjá fjármögnunarfyrirtækjum á því hvers vegna sumir bílar séu seldir upp í kröfur á jafnlágu verði og raun ber vitni. Hann sjái í störfum sínum hliðstæða bíla seljast á miklu hærra verði á sama tíma. »Þessi verð finnast hvergi nema á uppboðum hjá þessum félögum. Þeir eru sjálfir að ýta undir verðhrun á markaðnum og skjóta á endanum sjálfa sig í fótinn með því.« Hann kveðst þekkja slík dæmi frá öllum bílafjármögnunarfyrirtækjum á markaðnum. Hann tekur sem dæmi Renault Mégane-bifreið sem stúlka ein keypti á 1,1 milljón á síðasta ári, með 800.000 króna láni frá Lýsingu. Skömmu síðar missti hún bílinn, sem var seldur upp í kröfuna á 160.000 krónur.

Sveinbjörn útskýrir að skuldurum bjóðist að setja eftirstöðvarnar á skuldabréf í krónum með veði í fasteign. »Þá er búið að festa gengishagnaðinn í krónum og lántakandinn situr eftir með sárt ennið.«

Annað mál sem vekur furðu er kostnaðurinn við skoðun á bílum sem hafa verið teknir úr vörslu fólks. Fyrir endursölu eru þeir verðmetnir hjá þar til bærum aðilum. »Ég hef séð svart á hvítu reikning frá bílalánafyrirtæki upp á 212.000 krónur fyrir verðmat á bíl sem var tekinn úr vörslu fólks. Þetta er í mesta lagi klukkustundar vinna, að meta eina bifreið. Þetta kallar maður óréttlæti á hæsta stigi,« bætir Sveinbjörn við.

Þriðji maður fær mismuninn

Hann segir mikið óréttlæti viðhaft við matið, sem sé framkvæmt af fólki á launaskrá eða í einhverju samstarfi við lánafyrirtækin. Það fólk sé því hlutdrægir og óhæfir matsaðilar. Lántaki hafi ekkert um verðmat bílsins að segja, nema hann kalli til dómskvadda matsmenn með tilheyrandi kostnaði. »Ef lántaki heldur ekki uppi mótbárum innan fimm daga eftir móttöku bréfsins er litið á það sem samþykki.«

Þá segir Sveinbjörn það vekja furðu að þröngur hópur tengdra aðila fái að selja bíla bílalánafyrirtækjanna hratt og ódýrt, en um leið sé fáum boðið að bjóða í þá. »Þriðji aðili nær hagnaði við endursöluna, en eftir situr lántakandinn með eftirstöðvarnar.«

Hann spyr sig hvort það þjóni hagsmunum bílalánafyrirtækja að sækjast ekki eftir hæsta mögulega verði. Slíkir gerningar felli verð á bílamarkaðnum almennt og bíleigendur allir gjaldi í raun fyrir það.

TIL er dæmi af Dodge jeppa sem keyptur var með láni frá Lýsingu hf. Bíllinn kostaði 5,2 milljónir, en lánið var fyrir 3,5 milljónum króna. Um hálfu ári síðar var samningnum rift og skuldarinn sviptur vörslurétti. Í uppgjöri samningsins var jeppinn aðeins metinn á 1,8 milljónir króna. Lánið, sem var í erlendri mynt, hækkaði í millitíðinni. Skuldin við Lýsingu er í dag um fimm milljónir, þrátt fyrir að bíllinn hafi verið tekinn og seldur upp í kröfuna.

GÖGN sýna uppgjör á bílasamningi hjá SP fjármögnun. Þegar samningnum er rift 9. október vegna vanskila, og tekinn af skuldara með vörslusviptingu, eru eftirstöðvar tæpar fimm milljónir. Í uppgjörinu telur liðurinn »kostnaðarmatsskoðun« 996.703 krónur og bætist við eftirstöðvarnar. Svo dregst söluverðmæti bílsins frá skuldinni. Söluverðið er tilgreint um 1,9 milljónir í uppgjörinu. Bíllinn, Lincoln Navigator jeppi, var hins vegar 5,2 milljóna króna virði hálfu ári fyrr og bílasamningurinn hljóðaði upp á 4,9 milljónir. Bíllinn var seldur upp í kröfuna en samt stendur eftir ríflega fjögurra milljóna króna skuld.

Fyrir um 13 mánuðum keypti maður á þrítugsaldri amerískan bíl fyrir sex milljónir króna. Hann greiddi tvær milljónir beint út og gerði bílasamning við SP-fjármögnun upp á 4,1 milljón króna. Í dag er maðurinn bíllaus og skuldar fyrirtækinu 3,8 milljónir króna. Ástæðurnar eru aðallega af þrennum toga; maðurinn missti vinnuna í kjölfar efnahagshrunsins, íslenska krónan hefur fallið gríðarlega á einu ári og maðurinn telur SP hafa metið bílinn allt of lágt.

DV hefur í höndum bílasamning mannsins, sem ekki vill láta nafn síns getið. Hann hætti að geta borgað af láninu eftir að hann varð atvinnulaus í haust. Í kjölfarið tók SP-fjármögnun af honum

bílinn. Bíllinn, sem fyrir ári var keyptur á um sex milljónir króna að sögn mannsins, metur SP nú á tæpar 1,6 milljónir. Nú þegar bíllinn hefur verið tekinn af manninum skuldar hann tæpar 3,8 milljónir króna, í stað 4,9 milljóna áður en svokölluð kostnaðarmatsskðun hljóðar upp á 440 þúsund krónur.

Haraldur Ólafsson, forstöðumaður Verkefna- og þjónustusviðs SP-fjármögnunar segir að þrátt fyrir að bíllinn sé á pappírunum metinn á ákveðna upphæð, sé ekki sjálgefið að það sé upphæðin sem skuldarinn muni fá fyrir bifreiðna. „Við ákváðum strax í október að láta söluverðið gilda. Ef bíllinn selst á hærra verði en matið segir til um, þá kemur andvirði sölunnar til frádráttar skuldinni. Ef hins vegar bíllinn selst á verði sem er lægra en matið, þá tökum við á okkur kostnaðinn,“ segir Haraldur og bætir því við að þetta fyrirkomulag gildi um alla samninga frá og með 1. október síðastliðinn.

Nánar er fjallað um málið á neytendasíðu DV í dag.

10.03.2009

Kv,. Sigurjón Vigfússon

Rauða Ljónið, 18.3.2009 kl. 21:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband