Hin afdrifaríka ákvörðun, verðtrygging á lán.

Auðkúlu 11. mars 2009.

Af visir.is

Þetta segir úttekt Seðlabankans:

Kemur ekki á óvart, enda lentu þeir sem eru um fertugt í óðaverðbólgu (allt að 120%) fyrstu árum níunda áratugarins. Að auki var 100% verðtryggingu lána dempt á, á einum degi ´79-´80.

Aftur lendir svo þetta sama fólk í erfiðu samdráttarskeiði ´90-´98.

Á þessum árum má segja að alveg hafi verið sama hvað menn lögðu hart að sér við að borga skuldir, ekkert hafðist undan. Það er því heldur óskemmtilegt f. sama hóp að vera að lenda í greiðsluhremmingum og samdráttartímum í 3ja sinn á aðeins 25-30 árum.

Fjölskyldur í vanda; kreppan kemur illa við aldurshópinn 30-44 ára.

Á fertugsaldri og rétt yfir.

Samsetning heimila í neikvæðri eiginfjárstöðu sýnir að kreppan lendir harkalega á fólki á aldrinum 30 til 44 ára. Nær helmingur fólks sem skuldar meira en það á er á þeim aldri.

Þetta kemur fram í skýrslu með bráðabrigðaniðurstöðum starfshóps Seðlabanka Íslands, sem hefur safnað gögnum um áhrif fjármálakreppunnar á efnahag heimilanna.  Bankinn kynnir samantekt sína á blaðamannafundi á eftir, en þar má finna upplýsingar um flestar gerðir lána og um efnahag fólksins í alndinu eftir að fjármálakreppan skall á.

Greiningin byggir á gagnagrunni með fjárhagslegum upplýsingum um heimili sem Seðlabankinn hefur aflað í samstarfi við fjármálafyrirtæki með leyfi Persónuverndar og er ætlunin að birta frekari gögn á næstunni.

Í skýrslu Seðlabankans kemur einnig fram að mánaðarleg greiðslubyrði bílalána er á milli 50 og 100 krónur á mánuði hjá 24% heimila sem þau lán hafa, en minni en 50 þúsund hjá sjö af tíu heimilum í gagnagrunni bankans.  Skýrslan er á vef Seðlabankans.

Valdemar Ásgeirsson.

 

Athugasemdir

[Baldur Gautur Baldursson, 12.3.2009 kl. 07:46]

Þetta er óheillaþróun og hættuleg í hæsta máta. Að heimili þjóðarinnar séu svona skuldsett og síðan eiga þau núna að taka á sig spilaskuldir fjárglæframanna síðustu ára að auki. Fáir eða engir geta staðist þetta.  Samtímis hefur IMF (Alþjóðagjaldeyrissjóðurinn) þyngt róðurinn fyrir þjóðina enn meir.  Hvernig má þetta fara öðruvísi en illa, ef stjórnvöld reyna ekki að bjarga heimilunum?